11 Apr 2009 (Sat)
出發loo....

我同阿占, Cindy + Andrew嘅 2 Days trip終於出發loo
6:20am大家就係上環信德中心集合(Cindy同Andrew比我同阿占早咗小小到達)
跟住我哋就揾領隊姐姐Olli點名
不過....當中有點意外發生咗, 所以Cindy同Andrew唔係同我哋一齊出發....
 
同Cindy & Andrew分開咗之後, 我同阿占去咗麥噹噹買早餐
然後就入候船室等上船o勒(由於船飛係無劃位嘅關係, 所以上船嘅時候都有點混亂的>.<)
上到船我同阿占第一時間見到位就坐(因為到開船嘅時候, 仲有乘客係無位坐o架)
船程唔係太耐, around 50 mins我哋就到達蛇口碼頭o勒
過完關我哋就坐旅遊巴士去第一個景點 ~ 百萬葵園
到達百萬葵園之後, 每個女仔都會有張雪糕券(用來換櫻花雪糕), 而男仔就會有薰衣草香包(阿占話點解會咁奇怪喎)
百萬葵園裡面真係有各式各樣嘅花, 包括: 太陽花, 櫻花, 薰衣草, 玫瑰花, 野菊花, 荷花....(多到有D我都唔知咩名)
就係咁我同阿占不停咁影呀影....(影咗好多相呀)

午餐就係園入面嘅餐廳食團體餐(D嘢好唔好食就見仁見智啦)
食飽飽, 我同阿占又繼續四圍影....(直到集合時間, 我哋先歸隊)
就係呢個時候, 我哋終於同Cindy & Andrew相遇番o勒(咁當然要係門口影番張合照先啦)

 
跟住我哋就搭車番我哋住嘅酒店 ~ 星河灣公寓
去到酒店等Olli分配房間&門匙之後, 我哋就各自番房休息

 
直到晚上六點二十分左右, 大家先係酒店大堂集合(出發去星河灣酒店的國際宴會廳食dinner ~ 參加復活節party呀)

呢個party其實係新華自己攪嘅
Party當中有嘢食, 有抽獎又有表演同遊戲
大家都食 + 玩得好開心
當中Andrew抽到旅遊禮券添(hehe...不過佢同Cindy送咗一張比我同阿占呀^V^)
 
12 Apr 2009 (Sun)
由於個團行程唔係太多, 所以我哋D時間唔洗好趕嘅關係(所以我哋可以十點幾先係酒店check-out)
亦因為咁, 只要我哋就到時間食早餐就可以晏D起身o勒
我哋4個嘩鬼九點先係酒店大堂集合, 跟住就去食buffet breakfast

酒店個buffet breakfast雖然唔算好多嘢食, 不過都唔太差....
食飽飽我哋就坐車出發去動物園/遊樂場(不過我哋4個選擇咗去動物園 ~ 因為比較有興趣睇動物^v^)
番禺野生動物園果然名不虛傳(因為真係有好多唔同種類嘅動物)

而我哋就係坐住園入面嘅小火車來睇動物(嘩....我同Cindy都有種感覺好似至身於南非嘅大草原近距離咁睇D獅子, 老虎, 長頸鹿....) ~ 感覺真係好歎為觀止呀

坐完小火車之後, 我哋4個又去咗熊貓館(館入面有10隻熊貓呀), 鸚鵡館, 動物幼稚園....
直到兩點鐘左右4個嘩鬼先去食lunch
最後我哋揀咗間叫"火鳥"嘅餐廳食嘢, 4個人叫咗: 豉油雞脾x4, 咖哩魚蛋, 炒麫, 煎餃子, 可樂x4(我哋4個人都食得好飽飽呀....)

到咗集合時間, 我哋就係門口上旅遊巴士準備番出蛇口碼頭了
 
坐咗兩個鐘頭嘅車程之後, 終於到達蛇口碼頭
原定我哋要坐嘅船係6:45pm, 不過後來唔知咩原因架船delay咗呀
我哋係碼頭就由四點幾一直等到七點幾先有得上船

唉....不過由於又無劃位嘅關係, 我哋又係要"霸位">.<
番到香港已經係8:30pm左右了
由於Andrew同Cindy要趕番屋企食生日飯嘅關係

所以最後得番我同阿占去咗"美心"撐枱腳
 
呢個trip時間雖然好短, 不過我真係玩得好開心
因為自從中學畢業之後, 我同Cindy已經無試過一齊去旅行的了
而家隔咗咁耐, 終於有機會了(仲要係兩pair couple一齊去玩添)
所以我呢個easter真係好鬼開心(因為有阿占, Cindy + Andrew陪我一齊過嘛^V^)